... قصة حياتي🌼
الكاتب_ الشاعر أ. احمد السعيد الفقي
🍀🍀🍀🍀🍀🍀🍀🍀🍀
قصة حياتي
احمدالسعيدالفقى
قصة حياتي
قصة طويلة
مليانة تناقضات
أيام الفرح
فيها قليلة
والباقي...
جراح وآهات
وأغرب ما فيها
وأنا لسه ببتديها
لما جيت للحياة
الأب فجأة مات
بدون أي مقدمات
وكأنه رافض حضوري
مش قادر أوصف شعوري
وجود الأب
شيء ضروري
بيكون سند
وضهر عليه تتسند
ولما تحتاج مدد
بيبقى هو المدد
في أحلك الأوقات
يعلم وينصح
يوجه ويشرح
ولما الدنيا تجرح
يداوى جرحك
ويفرح لفرحك
وتهون معاه
كل الصعوبات
من غيره تبقى وحيد
وعمرك ماتبقى سعيد
تفتكره ليلة العيد
جايبلك لبس جديد
ماشيين سوا
والإيد في الإيد
تفوق من الحلم
على صوت الذكريات
أبوك مات
وهتفضل يتيم
ليوم الممات
تمر الأيام
يوم ورا يوم
تكبر
وتكبر جواك الهموم
تروح مدرستك
تكبر مشكلتك
تشوفها قصاد عينك
كل يوم
كل ابن معاه أبوه
وإنت بتدور
على أبوك في كل الوجوه
وجوا قلبك بتصرخ
فين أبويا
يا ناس هتوه
ودمعة تنزل على خدك
ما تمسحها غير يدك
لما تلاقي نفسك لوحدك
وسط الزحام تتوه
ينعقد لسانك
وتتسمر مكانك
من سكات
وتمر الأيام من تاني
وتكبر
وتفهم الدنيا أكتر
توصل مرحلة الشباب
تقفل على نفسك
ألف باب
ويبدأ عقلك يفكر
يا ترى في يوم هتقدر
تكمل المشوار لوحدك
وإن كليت
مين يقوي عزمك
تبص حواليك
تدور بعينيك
ماتلاقيش غير السراب
ساعتها تعرف
إن أبوك
عن الدنيا غاب
ووراه التراب
تصرخ وسط السكات
أبويا مات
أبويا مات
احمدالسعيدالفقى الفقى
تعليقات
إرسال تعليق