.....ربيع مجروح🌼
الكاتبة_ الشاعرة أ. تهاني بركات
🍀🍀🍀🍀🍀🍀🍀🍀🍀🍀
ربيع مجروح....
تعويذة في كهف الموت
و جنية محوطاني بورق التوت
و باب مسحور
ما بين الماضي و الحاضر
كتاب الحب ف بحوره
صبح مفقود
و حروف جوايا بتتشكل
بترسمني على خدك
شموس دبلانة و مروية
بدموع الغيرة و الحيرة
و ف محرابك بتسجني
و صوت جواها يترجمني
لا أنا شاعر و لا مجنون
و لا هي بخلانة و أرضها بور
حلمت معاها أعدي السور
و أعدي لها بلاد و بحور
أنا فلاح و على ترابك
أبات مرتاح
سقيت الزرع من يمك
و كان همي و كان همك
يموت جرحي كدا في أرضك
سمعت اللحن من غير صوت
على بردية مكتوبة لحتشبسوت
فيها رموز و كام كلمة
مكتوبة في عز الخوف
أنا وياكي لسه بطوف
و صوت الحب جوايا
بقى مبحوح
و حبك إنتي في كتابي
ربيع مجروح......
تهاني بركات ١ / ٩ / ٢٠٢٣
تعليقات
إرسال تعليق