.. سرداب🌻
الكاتب_ الشاعر أ. يحيى حسين
🍀🍀🍀🍀🍀🍀🍀🍀🍀🍀
سرداب
تعبت خلاص من الحب
والعشق والأحباب
ما تيجي ياله يا قلب
ياله نرد الباب
اخدنا إيه من الحب
إلا وعود وعذاب
لما وعدنا ببكرة
وفي فجره سابنا وغاب
ماهو ساعات القدر
في البعد له أسباب
وواحد تاني غدر
وتالت طلع كداب
ضيعنا العمر هدر
والحب زي سحاب
سحاب ماله مطر
متداري جوه ضباب
طريقه كله حفر
أخر طريقه سراب
تعالى خلاص ارتاح
واكتب معايا جواب
نودع فيه الحب
ونعيش سوا بسرداب
يحيى حسين القاهرة
18 فبراير 2021
تعليقات
إرسال تعليق