... قابلتك🌻
الكاتب_ الشاعر أ. رفعت التميمي
🍀🍀🍀🍀🍀🍀🍀🍀🍀🍀
قابلتك فكرتك إنتي،
اللي أنا لسه سايبها من إمبارح.
إللي محدش غيرها مسهرني،
وبمشي وفي حبها سارح.
فلقيتك فجأة إتغيرتي،
وبعيونك شيء كده مش واضح.
وياريت أنا وانتي متخاصمين،
كان سهل علينا ونتصالح.
لكن دايما متفاهمين،
والحب بينا كتير ناجح،
والبسمة كات باينة في العين،
وسهم حبك كان دابح.
معرفش دي دعوة حاسدين،
ومين وراها وإيه الصالح.
ولا قلبك مشي ورا مين،
عشان يجيني جرحك صابح.
ولو قلبك وروحك كانو ضالين،
وشايفين طريقي أنا مش رابح.
راح أدعي واقول يارب آمين،
يبعدك عن بحري إن كان مالح.
ويسعدك بقى دنيا ودين،
مع حب قلبك ليه سامح.
قابلتك فكرتك إنتي،
إللي لسه سايبها من إمبارح.
ــــــــــــــــــــــــــــــــــــــــــ
بقلم الشاعر رفعت العربي التميمي
تعليقات
إرسال تعليق