... قلبي غاوي🌻

الكاتب_ الشاعر أ.عبد الكبير محمد

🍀🍀🍀🍀🍀🍀🍀🍀

 💝قلبي غاوي💝

فيه ف قلبي....بعد حبك

ربع خالي...يحاكي بعدك

اروح له لما تزيدي عندك

واحس طعم الراحة فيه

هوا ذنبي......أبقى جنبك

وغيرة دايما..مالية قلبك

وف عتابك....ييجي ردك

روح ف ربع.......اتهنا بيه

ألوم سكاتي.....ولا صدك

ولا دمع عيون...ف خدك

أو ظنون....يحسبها عدك

وشك......جمر ونار ماليه

ربع خالي...يكفي صهدك

وثورة من بركان ورعدك

لما زادي.......هان ف يدك

معدش خالي عنيكي فيه

كنت راضي.....بربع بعدك

لما احس........بمر شهدك

وألقى طرح الحزن شدك

قلبي غاوي.......أعملو إيه

*************************

✍🏻بقلم/عبد الكبير محمد أحمد

    جمهورية مصر العربية-المنيا