... وداع🌻
الكاتب،_ الشاعر أ. علي عبد الرحيم
🍀🍀🍀🍀🍀🍀🍀🍀
وداع
٠٠٠٠٠
ف غياب القمر
الليل وانا والفكر والسهر
و صوت حليم بيدوب الحجر
كروان بيغرد ع الشجر
وجرح أليم من اغلا البشر
ورسايل وداع بتقول الحب ضاع
ورسايل وداع بتقول الإخلاص ضاع
مين فينا اللي باع وقلبه حجر
ومين فينا اللي ضاع وخاطره انكسر
انا ولا انت اشهد يا قدر
وداع وداع يا اغلا البشر
هي سافرت ومعاها السعادة سافرت
هي هاجرت ومعاها الأحلام هاجرت
وانا ماعنديش حكاية كانت هي الحكاية
معاها هي البداية و حروف النهاية
ومعاها فرحة قلبي اللي انهجر
وداع وداع يا اغلا البشر
الفكر فيها بياخدني
ل أحضان لياليها ياخدني
ألاقي عنيها أوام ف حضني
واسأل عليها حرماني وحزني
ألاقي أجمل شيء مابينا انكسر
مين فينا اللي باع وقلبه حجر
ومين فينا اللي ضاع وخاطره انكسر
انا ولا انت اشهد يا قدر
وداع وداع يا اغلا البشر
ف نهاية رسالتها بعتالي دمعتها
بعتالي كدبة ضحكتها
اكتب ياقلبي نهايتها
سحابة ومانعة المطر
كدابة ومشاعرها حجر
زرعت الحزن ف كل وتر
انا ماعنديش حكاية كانت هي الحكاية
كانت هي اغلا البشر
وداع وداع وداع
بقلم علي عبدالرحيم محمد
تعليقات
إرسال تعليق