أجمل أماني... بقلم الأستاذ.فهمى محمود حجازى .
(أجمل أماني)
كلنا بنحلم ببكره كلنا نفس الأماني
بس امتى هييجي بكره والزمان مر ف ثواني
نفسي اشوف الأقصى حر وننتقم من كل جاني
نفسي اشوف البسمة فوق شفايف كل طفل راجعة تاني
نفسي أمسح دمع ذل للغلابة اللي ف زماني
نفسي أملا الكون د ه حب نفسي تتحقق أمالي
وابني دنيا مليانه حب ويبقى بينا الكره فاني
نفسي نبقى شعب قلبه عمران بحب
نبقى جرجس جمب سامي
هي دي أحلامي بكره هي دي كل الأماني
ومصر تتجمع بحب ينقهر قلب الأناني
اللي حب نفسه بس وبات يخرب في المباني
اللي ثكل قلب أم ب اسم دين أو إسم تاني
هو ده حلمي لبكره هي دي كل الأماني
بقلم فهمى محمود حجازى
تعليقات
إرسال تعليق