الأستاذ.. رمضان عبدالله احمد.. يكتب... مايكُنش صَدَقَة.
مايكُنش صَدَقَة
______________
نفسي لما بقول بَحبِك
تصدقيني
يبقى حبي جوه قلبك
بيواسيني
لو بعدت عنك اتوه
تندهي وتقولي هاتوه
وتقولي لهم اسألوه
عن الحب... وعرفيني
________
نفسي تبقي معايا صادقة
زي مع نفسك تمام
ونبضك مايكنش صَدَقَة
ف الهوى ولا الغرام
صَدّك قاتل للي فينا
سهّرنا وتاعب عينينا
والعوازل جايه علينا
ف الحقيقة وف الأحلام
__________
حبيبتي أنا شايف ف عينيكِي.
دموع بتقولي ماتمشيش
بتقولي وحياة عِينيك ......
الهجر مابيرحمنيش
وبراجع نفسي وانا ماشي
وببكي وانتي مدرياشي
ياما نَدَهت عليكي حياتي
وسمعتيني ولا سألتيش
___________
انتي عمري وروحي وقلبي
وكل شيء حلو ف حياتي
انتي نسمة صافيه ياحبي
انتي أنا والهنا لذاتي
في بعدك بكون ف عذاب
بنسى نفسي و الصّحاب
ولا يبقالي إلّا الصِعاب
وأفضل تايه ويا آهاتي
__________
بقلم الشاعر /رمضان عبدالله أحمد
تعليقات
إرسال تعليق