... اخترت🌻
الكاتب المتألق_ الشاعر أ. مروان هلال
🍀🍀🍀🍀🍀🍀🍀🍀
اخترت أكون جنبك
اخترت أكون جنبك بروحي
واتحمل ألم فراقك وادور على نبض قلبي بصبر وحنين.....
فجرك لو هيشرق ...أنا مستنيه
لجل ما اضمه واداوي بيه جروح السنين
ومش هيأس
وهعمل عقد مع الألم والأنين
عارفة ليه.......
لإنك تستاهلي تكوني وتر جوة قلبي أو شريان يمشي فيه دمي لجل ما قلبي يهدى ويستكين.....
تعرفي .....
ألم العشق ده حلو أوي
بيخليكي تحسي بطوفان الحب
وكأنك طايرة بجناحين
جناح جنب قلبك يحميه
وجناح تاني ليه سند ونديم
هو انتي فاهماني.....
طيب حاسة كلامي ولا أزود كلمتين
كلمة بحبك سهم صايب قلبك
وكلمة وحشتيني ونفسي أكون جنبك
وانا محتار ما بين الاتنين
بقلم مروان هلال
تعليقات
إرسال تعليق