... بحاول🌻
الكاتب_ الشاعر أ.جمال رمضان
🍀🍀🍀🍀🍀🍀🍀🍀🍀🍀
( بحاول )
أنا مش ندمان عالفراق
ولا مغرم كمان بعنيك
ندمان على عمري معاك
وإزاي كنت مخدوع فيك
معرفش إيه حصلي معاك
لما مسكت في يوم إيديك
غلطة إفتكرتك إنك ملاك
وبقيت أخاف مني عليك
بتبعد عني وتقول مشتاق
وأصدق وكمان أراضيك
وتحلفلي وتبكي م الأشواق
اسامحك واصالحك وأداديك
وبقينا شجرة من غير أوراق
إنهار كل إللي حلمت بيه
وبقيت كمان مش قادر اشتاق
بحاول أنسى إني كنت ليك
الشاعر
( جمال رمضان )
تعليقات
إرسال تعليق