.... العيون الخضر🌻
الكاتب_ الشاعر أ.عماد الألفي
🍀🍀🍀🍀🍀🍀🍀🍀
* العُيون الخُضر *
عماد الألفي - مصر
*********
الله يخليك لِـيَّ
يا أبو العيون الخُضر
ياللي خليت زماني
يِحلَـو بعد المُر
خليتني أحب الدنيا
وأعيشها ثانية بثانية
الله يخليك ليَّ
يا أبو العيون الخُضر
عليك عيون بجد بجد
حلوين حلاوة مش على حَد
صَحُّوني ويَّا نجوم الليل
وسابوني دايب فيهم عَد
خلوني أحب الدنيا
وأعيشها ثانية بثانية
الله يخليك ليَّ
يا أبو العيون الخضر
ياعيون نقاوة جمال مفروز
النظرة منهم تِسْوَى كنوز
يا هناه اللي بيها يفوز
ده من نظرة لعينيك الجوز
خليتني أحب الدنيا
وأعيشها ثانية بثانية
الله يخليك ليَّ
يا أبو العيون الخضر
ياعيون ياجنتين
والطَّرح رباني
الخُضرَة نِنّ العِين
والرمش بُستاني
أفدِي هواك بالعين
والروح ووجداني
وأنول رضاك يازين
ماطلبش شيء تاني
وكفاية أحب الدنيا
وأعيشها ثانية بثانية
الله يخليك ليَّ
يا أبو العيون الخضر
تعليقات
إرسال تعليق