... انتي فين🌻
الكاتب المتألق _ الشاعر أ.مروان هلال
🍀🍀🍀🍀🍀🍀🍀🍀
انتي فين
إنتي فين يا قلب الكون
يا بحر الحب يا قدر محتوم
إنتي فين يا جنة الحب وناره
إنتي فين يا بستان ورد المسك جاره
يا صفاء البحر يا نور الفجر وضياه
هو ممكن كدة كل حاجة تقف في غيابك
بس هفضل واقف على بابك
مستني ودادك مستني لقاه
صبري .....صبر الجبال ومش هقول الآه
ولو قلتها ....بسمع ضحكتك بقلبي
بتوه في عشقك ومنتهاه
إوعي تخافي عليا من بُعدك
لا والله دانا حافظ عهدك مهما طال مداه
بشتكي ..... بحاكي نفسي وقلبي
ولما بذكر اسمك بلاقي قلبي تاه
يااااااه على الدنيا من غيرك
شط كبير قاسي ومش عارف فين مرساه
بس اطمني ....
أنا طيرك وانتي غُناه
يومي هو إنتي من شروقه
لمساه.....
شغلاني.... مالكة عقلي
وقلبي إنتي رضاه
ممكن اطلب طلب ......
متغبيش عليا .....منغيرك كاره الكون كله
لمين حشتكي واقوله
حالي وإحساسي بالأه
بقلم مروان هلال
تعليقات
إرسال تعليق