.... اخر فرصة🌻
الكاتب_ الشاعر أ. عماد الالفي
🍀🍀🍀🍀🍀🍀🍀🍀🍀🍀
* آخِر فُرصَة *
عماد الألفي- مصر
********
أنا مش قادرة أتحمل أبدًا
قسوة حرمانى وياك
كل ما أحاول أبعِد عنَّك
قلبي يرجعني لهواك
تبعد عني وتشغل بالي
وتسهرني بدمعي ليالي
ولا بتحاول يوم تصفالي
ولا قلبَك بيرِق لحالي
رغم ده كله مش بنساك
بس نويت أديلَك فُرصَة
قبل ماتنساني وأنساك
آخِر فُرصَة أسمحلَك بيها
فرصة مفيش أبدًا بعديها
ياتخليني أفضل أحبَّك ياتنسيني عذابي في حُبَّك
آخِر فُرصَة
العمر اللي ابتدىٰ بلقاك
والحب اللي أنا عيشته معاك
مش ممكن هلقاه مع غيرك
لو غيرك كان حتىٰ مَلاك
لو كان حُبَّك راح من قلبك
قول يا حبيبي وأنا أبعد عنَّك
ماتسبنيش أفضل كده أحايلك
ما تحملش القسوة دي منَّك
وعشان كده مقدرش أنساك
بس نويت أديلك فرصة
قبل ماتنساني وأنساك
آخِر فُرصَة أسمحلَك بيها
فرصة مفيش أبدًابعديها
ياتخليني أفضل أحبَّك ياتنسيني عذابي في حُبَّك آخِر فُرصَة
لو وصفولي حُبّ الدنيا
أكتر منه في قلبي عشانَك
وإن وهبولي كل الدنيا
مايفرحني إلا حنانَك
مهما بقول وبعيد ياحبيبي
ما تصدقش إني هاسيبك
أنا من غلبي بأغالط قلبي
وأقول أنساك وأنا عارفة ياحُبِّي إن أنا أبدًا مش هنساك
بس نويت أديلَك فرصة
قبل ماتنساني وأنساك
آخِر فُرصَة أسمحلَك بيها
فرصة مفيش أبدًا بعديها
ياتخليني أفضل أحبَّك
ياتنسيني عذابي في حُبَّك آخِر فُرصَة
تعليقات
إرسال تعليق