... فاكرة🌻
الكاتب_ الشاعر أ. رفعت التميمي
🍀🍀🍀🍀🍀🍀🍀🍀🍀🍀
فاكرة هضعف لما تمشي وتسيبيني،
أو راح أبكي، غلطانة طبعاً صدقيني
مش أنا المحكوم عليه أعيش بأمرك،
ولا عمري هضعف لو مافيش غيرك في عيني.
منا اللي ياما عليكي خُفت أهين مشاعرك،
قدمت ورد وكان الشوك منك يجيني.
كُنت ليكي الشمس في عِز الشتا،
وكنت في شتاكي نار بدفيكي بحنيني.
ورغم قلبي من جراحك اشتكى،
لكن قلت يمكن يوم تيجي تداويني.
أتاري قلبك مش معايا ولا فيه انا،
وعِشت وهم الحُب وانتي بتقتليني.
وكل لحظة حلوة طارت في الهوى،
حكى قلبي عنها في شعِري ياريت تعذريني.
فاكرة هضعف لما تمشي وتسيبيني،
أو راح أبكي، غلطانة طبعاً صدقيني.
ـــــــــــــــــــــــــــــ
بقلم / الشاعر رفعت العربي التميمي
تعليقات
إرسال تعليق