... راح ينسانا🌻
الكاتب_ الشاعر أ. حسن سعيد مرسي
🍀🍀🍀🍀🍀🍀🍀🍀🍀🍀
عامية
راح ينسانا
انا الجارح
و الآه طالعة مني انا
انا المجروح
والوجع ساكني انا
ايوة أنا
كل الضجيج جوايا
حتى ضحكي
ومعاه بُكايا
يعلنوا عمري كام سنة
عرفتوا مين انا
انا اللي ايدي كانت
ولسه ممدودة
واللي جراح روحه
ماهي محدودة
يضحك و اعصابه
مشدودة
أنا الكهل من صغري
الجبل اللي نخ
من بدري
وسنيني معدودة
كام مر منها
و كام مُر فيها
ايامها كلها واحد
ولا ضحكه سألت عليها
عيني ما عرفت فرح
حتى يومه حاجة تبكيها
وادينا عايشين
دايرة و فيها مطحونين
يا عالِم رايحة بينا فين
هانعيشها
زي ماهي عَيشانا
وقت الرحيل
هاناخد حزننا معانا
ولا وقتها راح ينسانا
راح ينسانا
نبض❤يكتبه✏️
حسن سعيد مرسي
تم الحفظ والتوثيق
تعليقات
إرسال تعليق