... لساه أخضر🌻
الكاتب_ الشاعر أ. حسن سعيد مرسي
🍀🍀🍀🍀🍀🍀🍀🍀
لِسَاه_أخضر
يا ااااا ليل
يا سامع ألم المجروحين
يا ااااا ليل
يا راوي بالدموع عطشانين
يا آآه تِرُج صَخر الجبل
و تِحني ضهر الجمل
و الخلق موجُعين
يا دنيا إيه العمل
زاد مرارك ..... زااااد مرارك
والهم لا يُحتمل ... صابرين
بكى الناي من آآه الولد
صغير وضهره أِتجلد
عوده لساه أخضر
لكنه في طين
حِلم الصغير دفى
ومع الأيام حِلمه أِختفى
لما داق مرار الجفا
أصبح حزين
موال الفرح في صوته بح
والقلب من أنينه كح
للفرح زمانه ما سمح
إمتى حاله يلين
يارب ياعالم بقلوب العباد
شِبعنا من بعض في بعض عِناد
لا عاد زاد ولا زواد
بين الحضن بردانين
بالحب نضم ناس ما نبخل عليهم
وسط دموعنا ندعي ربنا يهديهم
يفرحوا لو من الفرح إحنا محرومين
حسن سعيد مرسي
نبض❤يكتبه✏️
تم الحفظ والتوثيق
تعليقات
إرسال تعليق