..... حب وحيرة🌻
الكاتب_ الشاعرة أ. احسان صادق
🍀🍀🍀🍀🍀🍀🍀🍀🍀🍀🍀🍀
""؟ حب وحيرة ""
بقى يرضيك اللي أنا فيه
أعيش الحيرة
مابين غرامك والشوق ولياليه
وبين قلب بجد حبك
بقيت إنت كل أمانيه
طول الليل سهرانة لوحدي
روح هيمانة.. تطوف حواليك
همها بس تتطمن عليك
عايشة الحيره.. دلوني أنا أعمل إيه
أبعد عنه.. وأسيبه لوحده
ولا أفضل وياه أراضيه
آدوق معاه الحب وشهده
وأنسى الماضي وكل آلامه
أنا حبيته وعيوني والله خُدامه
هو أنا هانكر..؟؟ وأنكر ليه؟
دأنا قريت الشوق ف عينيه
ولهفة قلبه... وحنين مجنون
مش قادر أبدا يداريه
بقى معقول الحب ده كله؟؟
ياناس ماتردوا.. وآه
. ياني كمان من حبه
مكتوب ومقدر.. قدر متسطر
حب كبير.. قلبك يسحر
أعمل ايه؟ .. اعمل ايه..؟
أبعد وأمشي.. أنا مش هأقدر
دلوني.. أنا هاعمل إيه
أطمنله. ولا أعيش كده متحير
قالي مهما هيحصل..أنا هافضل
حبي كمان هيفضل يكبر
وإن يوم بعدت.. وقلت أنا أهرب
حبي هيفضل عمره ما يتغير
طاب بالذمة.. مش شيء يحير
بقلمي / إحسان صادق
تعليقات
إرسال تعليق