... رسالة الى الله🌻
الكاتب_يحيى حسين
🍀🍀🍀🍀🍀🍀🍀
رسالة إلى الله
بقلمي يحيى حسين
من صغري وأنا نفسي
أكون عصفور
أرفرف بجناحي بعيد
ألف وأدور
أشوف الفجر في عيوني
أعيش الصبح أشوف النور
حلم رويته بدموعي
بس الدمع بقى مقهور
ولو الدمع كان ينفع
لكان دمعي زمانه بحور
حبيس نفسي وأحزاني
ودنيتي قضباني
مظلوم وعايش
وحدي في سجن
وعمري ما كنت انا جاني
فطرتني ياربي ضعيف
ربيع عمري عشته خريف
وطول عمري اتعذب
ومصيري عندك برضه
مخيف
في الاهل أنا منفي
مجبر رغم أنا أنفي
ضعفت كتير وعصيتك
وغلطت كتير ومش حانفي
ولكنه دا كان عندك قدر مكتوب
خلقتني كده بضعفي وكلي ذنوب
ولو عايز ما يعجزك إني أتوب
ولكني تعبت يا ربي
خدني عندك ما أنا عايز أعيش
لعمري حاكون أنا عصفور
ولا حيطلع ليا الريش
يحيى حسين القاهرة
31 يناير 2020
تعليقات
إرسال تعليق