الأستاذ... جمال زكى عينر.. يكتب...كلمتني.
( كلمتني ) :
كلمتني ما كنتش اعرف
حتقول إيه وحتحكي إيه
كلمتني كلام معجرف
جي يوم تندم عليه
كان كلامها صعب جداً
للاسف ما عرفت أرد
صوتها عالي
كلامها معلن
عمري ما قالهولي حد
كل كلمة سهم جارح
صاب مشاعري والجوارح
كل ذنبي بس إني
جيت في يوم وقدرت اصارح
كان سؤالي
كان سؤالي لنفسه فارض
ليه شعورك مني بارد ؟
ليه بعدتي عنى ليه ؟
حتى فكرك عني شارد
والسؤال
والسؤال جاوبت عليه
والجواب كان وحش مارد
زي طلقات البارود
وحش كان لجناحه فارد
ع المدى مالهوش حدود
كان كلام عن حده زايد
آه يا ريتها
آه يا ريتها ما كلمتني
كلمة جارحة وسمعتني
يعني كان إحساسي صادق
لما قلت خلاص باعتني
يعني كان إحساسي صادق
لما قلت خلاص باعتني
جمال زكي عينر
تعليقات
إرسال تعليق