الأستاذة.. أسماء عبدالله.. تكتب...بنكتب مش عشان تهليل.

 بنكتب

مش عشان تهليل

يسقف

أو يقول دا جميل 

دا روح الحرف بتوشوش لروحنا

وتشعل القنديل

فتسحبنا لأقلامنا

ونكتب شيء ف عالمنا

بخفة أو بدم تقيل.  

لُغتنا بسرعة تفضحنا 

وسير فيها يمرجحنا

ف أحوال غرقة مالها دليل

نغوص جوانا ونترجم

و من سن القلم نرسم....

غُنا وشخابيط

على تخبيط 

ساعات يطلع مالوش معنى

وأوقات غيرها يبقى جميل

وفوق أوتار بتألمنا

ندون فكرة أو معنى

وآهة تكون بتوجعنا

فلما تخوض ف أسماعنا

تقول أه يا عين..وياااه...وياليل

ويضحك

مننا التهليل  !!

أسماء عبد الله