الأستاذة.. ميرفت هلال.. تكتب.... ليه البكا ع الميتين.
من وحي الصورة
و ليه
و ليه البكا
ع الميتين
راحو لرب
غفار كريم
وإن دامت
لهم الحياة
كانت دامت
ف يوم لمين
رحلة
و بنعيشها ساعات
مليانة حزن
و كتير آهات
كل الوشوش
شايلة هموم
و القلب منها
تعبان حزين
ليه البكا
و ليه الحداد
كل البشر
لهم ميعاد
بمزاجهم
و لا مغصوبين
فاكنز يا صاحبي
من الثواب
و استعد ليوم
الحساب
اِعمل حسابك
ع الغياب
إوعى بذنبك
تستهين
حرر إيديك
من القيود
و للشيطان
ما تعيش سجين
ربك كبير
حبله متين
امسك في دينه
و استعين
خلي طريقك
ع اليمين
تنهي رسالتك
طيبة
في الآخرة
تكون م الفائزين
ساعتها لا
هتفرق معاك
مهما تطول
بيك السنين
هو قدر
هتروح إليه
و كله مكتوب
ع الجبين
يبقى قولي
ليه بقى ؟
ليه البكا
ع الميتين ؟
بقلمي ميرڤت هلال
تعليقات
إرسال تعليق