... ما تسأليش🌻
الكاتب_ الشاعر أ.وهبة البوهي
🍀🍀🍀🍀🍀🍀🍀🍀🍀🍀
ماتسأليش
ما تسأليش مرة تانية
وتقوليلي روحت فين
إنتي صورة عشقتها
جوة قلبي والعينين
إنتي كلمة رسمتها
وسكنتها بين شفتين
أنام عليها واصحى بيها
وأسأل عليها إنتي فين ؟
إنتي بسمة إنتي فرحة
لما أشوفها أقول ياعين
ويزيد أنيني واشتياقي
وأقول لروحي كنتي فين ؟
إنتي ساكنة جوة قلبي
زي القمر ويا النجوم
ماشوفتهم لحظة واحدة
فارقوا بعض ف أي يوم
ليه تسألي ليه تغضبي؟
وتزودي ليه الهموم
إنتي عشرة عمر دايما
مرت علينا كتير سنين
عشنا فيها كتير سعادة
وعشنا سوا كتير أنين
ليه تظهري زي برق
وتختفي بسرعة ليه؟
وتزودي شوقي وحنيني
وتحرقي قلبي ليه ؟
بذمتك نفسي اسألك
وتقوليلي نفسك في إيه ؟
نفسك قلوب تحضن بعضها
والشفايف تنضم ليه
يالله سوا نعلن حبنا
للعالم كله نقول عليه
قلبي الحنين عمره ما يغدر
طعم الحنان هاتحسي بيه
فما تسأليش ما تخافيش
من غدر الزمان يوم يجيه
ماتخافيش من غدر الزمان
يوم يجيه
وهبه البوهي
تعليقات
إرسال تعليق