... محطة مصر🌻
الكاتب_ الشاعر أ.علي عبد الرحيم
🍀🍀🍀🍀🍀🍀🍀🍀🍀
محطة مصر
٠٠٠٠٠٠٠٠٠
ع المحطة منتظر قطر سوهاج.
ع المحطة اتأخر الحلم عن الميعاد
ع المحطة كل اللحظات بتصرخ
وبتفرح حالة هستيريا وهياج
وبتقابل القرب والود آه والبعاد
وحياة رب العباد موجوعة العباد
فين آه فين قطر سوهاج
محطة مصر
الكاتب القلم ف إيديه يكتب إيه
عن وجع الوطن ولا عن شجن الزمن
ولاعلي الحلم التايه بين القضبان
وبين وجع فلسطين وعتمة الأحزان
وبين محطات الخداع آه والحرمان
يكتب إيه وساكنة العتمة ف لياليه
وكل الخلق ماشية جواها كسر
إيه يكتب إيه ف محطة مصر
محطة مصر
الكاتب النار قايدة ف أفكاره
المبدع إنسان تاني ف أعماله
جنون وغيرة سكون وحيرة
حقد جايز أناني جايز
شارد ومتشتت جايز
يكتب عن المجهول عايز
جنون الإبداع بتطفي نار الملل
ونار اللي ضاع الحب والحلم والأمل
بلاش تتأخر ياقطر خدني وسافر
وهاجر بعيد عن الواقع العنيد
عن ملامح الغدر والتوتر والعلل
قلبي يا ابو دقات حزينة وحيد
مكانك على محطة مدينة الهجر
الكاتب يكتب إيه ع محطة مصر
محطة مصر
يا دخان سجارتي خبي ع البنية حكايتي
وحنط رسايلها ومواويلها ف تابوت نهايتي
جاية ليه ليه متأخر زي الحلم اللي اتأخر
زي القطر اللي اتأخر
يا دخان سجارتي على حروف حكايتي
وشوش الضباب والسحاب
يسجنوا الماضي والعذاب
وعلى احساس نبضي اللي داب
أنا هارفع قضية حجر
وصل القطر على محطة مصر
كلمات على عبدالرحيم محمد
تعليقات
إرسال تعليق