الشاعر.. جمال زكى عينر.. يكتب... في الشتا.
( في الشتا ) :
في الشتا يحلى السهر
ويا النجوم ويا القمر
راح الغي باسبور السفر
وافضل هنا ويا الحبيب
اصل الحبيب اجمل قدر
في الشتا يحلى الهوى
انا والحبيب دايما سوا
نحلم سوا .. نعشق سوا
نهرب لدنيا من خيال
مفيهاش لا علة ولا دوا
في الشتا يحلى الكلام
إن كان عتاب او كان ملام
وإن كان رضا .. آه يا سلام
ويا الحبيب كله يهون
ما دام مفيش هجر وخصام
برد الشتا ويا الحبيب
بيكون دفا بيكون طبيب
نَفسِي مع نَفسُه تطيب
بننسى ايام الأسى
ومفيش مكان بيننا لغريب
ليل الشتا دايما طويل
السهرة فيه تشفي العليل
واللي ينام بخته قليل
بينحرم من الغنا
مع ثومه والطرب الأصيل
جمال زكي عينر
تعليقات
إرسال تعليق