... وداعا🌻

 

   الكاتب_ الشاعر أ. وهبة البوهي

🍀🍀🍀🍀🍀🍀🍀🍀🍀🍀🍀🍀

وداعا 2023

نرجوا الشفاء

الصبح غاب والضهر غاب والعصر غاب

وجانا ليل يضمنا بعد الغياب

يا دنيا مالك إيه جرالك خلى حالك ليه هباب

زاد علينا الحزن ليه وابتلينا بالاكتئاب

كنتي ماشية حلو خالص

صار علينا الهم راصص

الخير خلاص ماعدش فيه

الكل مشغول باللي بيه

كان صبح ييجي خير بييجي بدون حساب

 زادت علينا الآلام  وزودتيها بالعذاب

والحقد داخل عندنا من كل باب

الصحة راحت مننا والشعر شاب

ودعنا اللي كانوا ف سننا بدون جواب

يارب تجمع شملنا مع الحبايب والصحاب

راضي وحامد ربنا

ارحمنا يا رب كلنا

إغفر لينا ذنبنا

ياكريم يوم الحساب

يارب احمينا برحمتك من كل داء

من الحسد من الغلاء من البلاء

وب إيدك إنت وعزتك نرجو الشفاء

نرجو الشفاء

وهبه البوهي