... ملنا له🌻

 

  الكاتب_ رفعت التميمي

🍀🍀🍀🍀🍀🍀🍀🍀🍀🍀🍀

ملنا له "

هو يعني عشان ملنا له، 

يطلع فيها ويسوق في دلاله. 

ويغمض عينه مايبصلناشي.

 ويغير لنا طبعه واحواله. 

نبتسم له ماحس بينا، 

برمشه الساهي بيتقل علينا

 لما يشوفنا بيروح ماشي، 

إكمننا لجماله قلنا له،

بس صراحة حقه ونشهد له،

 دا مفيش إتنين في جماله إتعادلو،

في سحر عيونه ولا خدوده ، 

خلقة ربه معدلها له. 

لايق عليه يمشي ويتغندر،

 ويبص لفوق وعلينا يتكبر،

 لما نشوفه مابنصدقشي،

 مخلوط من الشربات والسكر،

 ومن غير مانحس ولا نعرفشي، 

ييجي علينا يلقانا قمنا له. 

هو يعني عشان ملنا له،

 يطلع فيها ويسوق في دلاله. 

ــــــــــــــــــــــــــــــــــــــــــ 

بقلم الشاعر رفعت العربي التميمي