... ماتردوا🌻
الكاتبة_ الشاعرة أ. احسان صادق
🍀🍀🍀🍀🍀🍀🍀🍀🍀🍀🍀
،،، ماتردوا عليا،،، .
عجيب الليل
يتوهني.. بيسحبني لحلم جميل
. وأشوف نفسي جوه الحلم
ونبض القلب بيعزف لحن أصيل
عجيب الليل غنا و مواويل
قلوب عاشقة وقلوب ضايعة
. قلوب تايهة في دنيا
كلها خداع وتمثيل
وفين حقيقتنا ياولداه...؟؟
أنا عاوزة فوراً إجابة
ليه نفضل كده تايهين
مابين أحزان وسعادة
ناس غريبة في المشهد
و ليل يهزمنا بضلامه
ويكون له السيادة
عجيب الليل.. عجيب الليل
بخفة بيسحب السجادة
وأتوه وياه... ووجع وآه
سؤال تملي يداعبني
فين حلمي وليه سابني..؟؟
بملي عينيا أنا بحلمي
ولامتى هفضل متغمي
من بعيد أصرخ بعزمي
وروحي تاهت بعيد عني
بحلم بروح كده تلمسني
ف ليل حنيني تونسني
تطبطب تملي على وجعي
وبالأمان تحسسني
عجيب الليل.. وجوايا
ضلام يحضن بكا و عويل
أشوف وياه تملي الويل
وسؤال من تاني يشغلني
أنا مين؟؟؟ .. أنا مين؟؟
ماتردوا عليا يا سادة
أنا تهت كمان بزيادة
بقلمي / إحسان صادق
تعليقات
إرسال تعليق