الشاعر.. جمال زكى عينر.. يكتب..عدَّى عليا الفرح.
( عدَّى عليا الفرح ) :
عدَّى عليا الفرح
زغرط وراح ماشي
ٱل جي يشمت فيا
قلت ما يجراشي
بجملة الأحزان
وبجملة القهرة
اذا كان حبيب القلب
اللي ماليش غيره
قاللي ثواني وجي
وراح ولا جاشي
انا عشت عمري ليل
ونهاري خاصمني
ده انا ياما شفت الويل
والهم طايلني
والحزن خيره كتير
دايما بيعزمني
وعزايمُه ايه غير اسى
بينتقم مني
عدَّى عليا الفرح
وقاللي ده بعينك
عندك يا صاحبي جرح
يفصل بيني وبينك
روح جدد الأحزان
وعيشها مع نفسك
سيبني أنا للهنا
والسعد مع خِلِّي
اما انت يا مسكين
روح ربنا يعينك
انا عشت عمري سنين
تتعد بالثانية
في كل لحظة انين
ماهيه دي الدنيا
مالهاش امان يا حزين
ع الغلبانين جاية
امتى دامت ولمين ؟
دنيا صحيح فانية
جمال زكي عينر
تعليقات
إرسال تعليق