.....ساعة خوف🌼

 

  الكاتب المتألق_ الشاعر أ. فايز علام

🍀🍀🍀🍀🍀🍀🍀🍀🍀🍀🍀🍀🍀

ساعة خوف.

بقلم.. فايز علام.. مصر.

..............................

في ساعة خوف

بنتصالح ونتصافح

ويا الروح

وبنسافر زي الطير

وراك يا شوق...

منين ما تروح

نلقط حبه... 

 من سنابلك

ونحلم ونحلم 

مهو الحنين

زي الجوع..

ويمكن البوح

 يداوي جروح

يا بدر منور في السما

بين الأشواك...

فتحت الزهور

وفاح عطرها فوح

والغصن مال للهوى...

وفضل يغني للمنى

ويسأل شبابه

فين الطموح

فبكى الورد بعد الندى

وزاد النوح

وسفينة عايمة

في ماية هادية

وشراعها الحروف

تجدف.. تجدف..

و الموج ينادي..

يا عمنا تعالى..

يا عم روح

غرَّق همومك

بلل هدومك

يمكن تشوف غنوتي

يمكن بسرك...

ليا تبوح

بكره هتعرف

لوحدك مصيرك

لما تحس

 بطعم الكفاح

بطعم السلام 

بين الناس...

تُقوله حتى أو تنشره

لو من شباك صُغير...

من فوق السطوح.