.... خليكي صريحة🌼
الكاتب_ الشاعر أ. سامي محفوظ حنا
🍀🍀🍀🍀🍀🍀🍀🍀🍀🍀
خليكي صريحة
بقلم سامي محفوظ حنا
خليكي صريحة
وما تخبيش
قولي الحقيقة
وما تكدبيش
مهما كانت مرة
أهون ألف مرة
ما تخليني
في الوهم أعيش
قولي أنك
ما بتحبنيش
وحبي ليكي
من طرف واحد
عذاب ليا
ما ينتهيش
خليكي صريحة
ما تخبيش
ليه لما تبقي معايا
سرحانة في دنيا تانية
وعقلك مش معايا
وعينك فيها
مليون حكاية
وأسألك تقولي مفيش
خليكي صريحة ماتخبيش
ليه لما أغيب عنك
عني ما تسأليش
أنا أشتاق لك
وأنتي متشتاقيش
أسهر الليل أفكر فيكي
بتمنى أسعدك وأرضيكي
ولو أطول نجوم السما
أهديها ليكي
وأنتي فيه مبتفكريش
ليا حق أقول لك
ما بتحبنيش
وقلبك مع غيري
بيعيش
متزعليش مني
ومتلوميش
لما أقول لك
ابعدي عني
وسيبي لي قلبي
يمكن يحب تاني
ومن غيرك يقدر يعيش
بقلم سامي محفوظ حنا
تعليقات
إرسال تعليق