الشاعر.. المحجوب بسبولة.. يكتب...يالعالم بحالي.
/////////+++يالعالم بحالي+++/////////
بالبسمالة نعلى ونرقى
ف طريق ربي ويزول شقى
فيها نوصل لسر نجاتي
نشفى بيها ترتاح داتي
يالعالم بحالي نظر ليا
اشكيت لك ضري ومابيا
راني مريض ودوايا عندك
وانت القايل عندي نسعدك
اجراحي ضمدها وتشفى
كل ماعملت اعليك ماتخفى
عندك نعرف دمايا نبرا
ياربي وتزول كل حرة
بالعطفة ومسح ادموعي
هدن بسماءك كل روعي
ربي ياقصدي ورجايا
وكتابك مولاي امعايا
امسح اعيوني كاتبكي
لك قلبي مولاي كايشكي
لاتحرمني من سر ادواك
خد بيدي سيدي قلبي معاك
سبحانك يادايم وباقي
ياللي في صدري وعماقي
ياخالق بيديه هذا الكون
يالشافي كون ليا ف العون
ربي ياحلاوة ف لساني
سبحانك مولاي ماليك ثاني
ربي غفر ليا ما مضى
حاجة بيديك مولاي تقضى
هانا ف بابك سيدي واقف
ماعندي غيرك انوالف
بقلم صقر الحروف الزجال المحجوب بوسبولة
تعليقات
إرسال تعليق