...مين إنتي🌼
الكاتب_الشاعر أ. رفعت التميمي
🍀🍀🍀🍀🍀🍀🍀🍀🍀🍀
مين إنتي عشان تعانديني،
والله بجد مغرورة،
اليوم أو بكرة هتجيني،
وهتشوفي يا أمورة.
دي بغمزة واحدة من عيني،
هتقعي في حبي مأسورة،
وفي عشقك راح تحايليني،
وتقولي كنتي مجبورة.
ولو فاكرة مفيش زيك،
مراية بيتكوا مكسورة،
لكن قلبي إللي قال حبك،
وشافك للجمال صورة.
وياما شفت كتير قبلك،
في شقاوتك لا يا سنيورة،
وهتلاعبي فيا راح ألاعبك،
وأنا الكسبان ياشطورة.
مكتوب لك في الهوى وعدك،
ولحب غيري محظورة،
هتعاندي هتتعبي وحدك،
وتباتي ليالي مقهورة.
مين إنتي عشان تعانديني،
والله بجد مغرورة،
اليوم أو بكرة هتجيني،
وهتشوفي يا أمورة.
ـــــــــــــــــــــــــــــــــــــــــــــ
نص غنائي بقلم / الشاعر رفعت العربي التميمي
تعليقات
إرسال تعليق