عندي سؤال.. بقلم الشاعرة.. منى شحاتة
عندي سؤال
بقلمي ( منى شحاتة)
جمهوريه مصر العربيه
عندي سؤال يا عم الشيخ
لو في حد كده وبحبه
وهو ولا حاسس بيا
ولا حتى بيفكر فيا
اعمل ايه علشان انساه
قلبه دايما في حتة تانية
وانا قلبي وروحي سابوني
ودلوقتي بقوا وياه
هو في وادي وانا في وادي
وتعبت من الجري وراه
نفسي حقيقي كده يفهمني
ويعرف قد ايه بهواه
طول الوقت اكلم فيه
طول الوقت انا بترجاه
انه يركز بس شوية
ويحن ويطل عليا
لكن مش لاقية حل معاه
قل لي بقى الحل ايه
واعمل ايه انا بقى وياه
وازاي ازاي انساه
تعليقات
إرسال تعليق