.... فين الحلو🌻
الكاتب_ الشاعر أ. رفعت العربي
🍀🍀🍀🍀🍀🍀🍀🍀🍀
فين الحلو إللي في الحلم،
لما أفرح بيه ولا يتحققش،
وفين الحب لو عشته خيال،
وإن جيت أحكيه ماهيتصدقش.
وأعشق كيف من النظرة الأولى،
لو كات لحظة مبدققش،
وفين الهوى لو جاني وهوى،
ودق قلوب غيري مفرقش.
حتى غرامي حروف منسية،
للي هويته مابيعلقش،
وقطر الحب سريع وعليا،
أجري وراه بس مبلحقش.
قالو نصيبك بقى مقسوم،
تكتب شعر لقلب ما فاقش،
فين الحلو إللي في الحلم،
لما أفرح بيه ولا يتحققش.
ــــــــــــــــــــــــــــــــــــ
بقلم / الشاعر رفعت العربي التميمي
تعليقات
إرسال تعليق