الأستاذ.. إبراهيم محمد دسوقي.. يكتب..عشان شاعر.
عشان شاعر
....
مانيش شاعر بأي جديد
يخلي الوضع يتغير
حبسني النور
في بير مسحور
خلاص العقل متحير
قفلتي الباب بفكر سراب
وضيقتي الحدود بحدود
وانا موجود بشوق ممدود
عليَّ الوعد متقدر
وأصل الوعي بيخلي
الوجود معنى
فيكشف لك كلام الطير
ويكشف لك نظام موزون
وليه الكون
بيجمعنا
وليه الأرض بتسعنا
وليه الصبح بيطارد
ظلام الليل
يفوت العام وبتعدي
من السنين ملايين
ونتسلم رايات الخلق والخلقة
ونسمع من الزمن حواديت
يبلغنا الكريم بآيات
وعن مارد ظلم ناسه
وراح عصره
وحراسه
فضل منه آيات وعظات
وهدهد غاب عن المجلس
وكان معذور
لاكان كداب ولامرة
شافوه مغرور
دا صابه الوعي بالفطرة
فيكشف ليك عذاباته
وتفهم معنى أنَّاته
ويكشف لك عذاب الغير
فتفهم ليه بيتألم
بصوت مبحوح بيتكلم
بقيت تفهم لغات الطير؟!
عشان شاعر
بشيل الحمل فوق راسي
جبل راسي من هموم الأمس
يخبي في الضلام روحي
ويحجب عنها ضي الشمس
ألِم الصبر من الحواديت
فأحكيها
وبنسج من الخيال أوهام
وبرويها بروح الشعر وغوايتي
بقا غايتي
اشيل الضحك.. يتحوِّش
وأغزل منه شطر البيت
يسلي مين بيسمعني
وامتع لما يفهمني
يعيد تفكيره من تاني
ويخرج منه بمعاني
عشان شاعر
بشيل الحكمة وانقلها
بكلمة نور
إبراهيم محمد دسوقي
تعليقات
إرسال تعليق