الأستاذ... جمال رمضان.. يكتب.. جرح الأحبة.
( جرح الأحبة )
إللي باعوني في الدنيا كتير
صحاب وأهل من غير تفسير
مع إن أنا كنت شاريهم
وكنت بخاف عليهم وبغير
وإللي باقيلي لوم من حالي
وإزاي شغلت أنا بيهم بالي
وهما باعوني بكل سهولة
وعمري قلبي ما كان خالي
جرح الأحبة كان صعب عليا
بيوجع وبيألم في كل شوية
عمره ما بيطيب بسهولة
إحتار الاطبة في الجرح وفيا
الجرح لما يكون من الحبيب
لا بيقفل ولا عمره ها يطيب
تفضل فاكره عمرك كله
لكن إللي من نصيب ها يصيب
الشاعر
( جمال رمضان )
تعليقات
إرسال تعليق