الأستاذ.. زياد رفعت العربى.. يكتب..زي مانسيتونا نسيناكم".
زي مانسيتونا نسيناكم"
بعد ماكنا بنهواكم،
قربنا كتير ومفيش فايده،
غلبنا في الحب معاكم.
ياخساره ويا الف خساره،
على عين كانت ليكم بصاره،
كان شوقها سهر بمراره،
طلعت مابتفرق وياكم.
صبرنا عليكم ياما صبرنا،
ومن جراحكم اتحملنا،
بعتونا سهل ماكملنا،
واحنا اللي ياما اشتريناكم.
اشتقنا ليكم ما اشتقتم،
بالعين والقلب ياما اشتلتم ،
بعدتو عنا ماصدقتم،
ضميركم نام ولا صحاكم.
هنمشي ونريح بالكم،
مابقت تسرنا احوالكم،
روحو بقى للي شغلكم،
مادام ماجينا على هواكم.
زي ما نسيتونا نسيناكم.
ــــــــــــــــــــــــــــــــ
نص غنائي بقلم / الشاعر زياد رفعت العربى
تعليقات
إرسال تعليق