الأستاذة.. ميرفت هلال.. تكتب... لما تحب الست بجد .
لما
لما تحب الست بجد
يبقى حبيبها
تاج على راسها
يبقى بكل الدنيا
و ناسها
لا يشوف منها
لا جفا و لا صد
تبقى دراعه و سنده
ووقت ما يضعف
ضهره تشد
تبقى عيونه السهرانة
وقت ما دنيته بتضيق
و أيامه تشد
لما تحب الست بجد
تمسح دمعته
من غير لمسة
يكفي حنانها
تكفي الهمسة
أنت جبل
ما يهمك حد
أنت عظيم
تبني و ما تهِد
كلمه تقولها
تسند ضهره
عارفة إزاي
هتهزم قهره
ترجع قوته
فوق الحد
لما تحب الست بجد
تملا حياته
و قلبه كمان
تحمل عنه
جبال أحزان
تِحلىَ في عينه
مهما كبرت
و مهما مرت من أيام
ونورها لنور
الشمس يسد
لما تحب الست بجد
تبقى حياته
جنه مليانة خير
تشيل عنه همومه
مهما كانوا عليها كتير
تزرع جوا
ضلوعه الورد
تعرف تنسى
عيوبه و تغفر
وقت غضبها يبقى
كلامها شهد مكرر
تقابل كل ذنوبه
برأفة و ود
لما تحب الست بجد
تعرف تخلص
مهما تقاسي
طبعه لذيذ
و لا اخينا
طبعه قاسي
واقفة في ضهره
تصون و تود
أصلها ست
و لما تحب ....
تحب بجد
بقلمي ميرڤت هلال
تعليقات
إرسال تعليق