راح عمرنا.. بقلم.. محمد كسبه.
راح عمرنا
كلمات : محمد كسبه
امتى بقى هتتغيري
الوش ده بقى مفترى
على الغلابة المطحونين
بتعلي أوي و تتكبري
عايشين حياتنا في القلق
بنموت و نطلع من السبق
و غيرنا طاير بجناحين
بيرفرف على حلم إتخنق
سمعنا صوتك و السلام
و قولنا كله تمام
و شاور على الطيبين
و إضحك عليهم بالكلام
تايهين و ماشيين في النفق
حتى الأمان منا إتسرق
و لما إنطفى ضي العينين
بنشوف قلوبنا بتتحرق
يا صرخة قد ما تقدري
حاولي تعدي و توصلي
روحي إسأليه عن الحنين
خدي من لساني و عبري
قولي له راح فين الهنا
كنت مواعدني من سنة
إني هعيش أجمل يومين
لكن خلاص راح عمرنا
تعليقات
إرسال تعليق