الأستاذ.. جمال رمضان.. يكتب... جرحي منك.
( جرحي منك )
ومهما كان جرحي كتير
تسألني أقولك أنا بخير
مش عاوزك تتالم بيا
ولا تتعب في التفكير
أنا بشتاقلك لما بتبعد
وجرحي بيألمني وبيعند
ولا بيهدأ ولا بيرتاح
ماإنت بتخلف لما بتوعد
إزاي ها أشكي منك إليك
دنا ببكي وعيني في عينيك
وأقول يا عيني ويا ليلي
إزاي جارحني وبجري عليك
معاك أنا بنسى آلام الجرح
وياك بلاقي حلاوة الفرح
وأسرح في عالم معرفوش
لحظة من غير كلام ولا شرح
الشاعر
( جمال رمضان )
تعليقات
إرسال تعليق