الأستاذ.. فهمى محمود حجازى... يكتب...قالوا شهيد.
قالوا شهيد
قالوا بطل قالوا شهيد
قالو كان نافع مفيد
كان بيضحك كان قلبه طيب
كان حنين مش عنيد
وقالوا مات بس أما جيشنا فاز أكيد
وانتصرنا وانكتب اليوم د عيد
مش فاكر منك غير بس سيرتك
ما انا كنت مولود لسه جديد
قالوا مات وايده لسه ع الزناد
كان بطل فارس شديد
و لما بيجي بينا سيرتك
بتبقى ذكرى لأحلى عيد
قالوا ضحكك ويا طيبتك
كانوا عنوان لك أكيد
ولما بذكر اسم مصر بذكر اسمك
وبفتخربك والدي الشهيد
ورغم إني ماشبعت منك
وببكي لما بتيجي سيرتك
إلا إن العزم عندي من حديد
بس بحتاج إني أضمك
وارتمي ف حضنك وأقول وأعيد
واحكي إني اتحرمت منك
واللي هون عني بعدك
إ قالوا أبوك شهيد
بقلمي فهمى محمود حجازى
تعليقات
إرسال تعليق