....ماتسأليش🌻
الكاتب_الشاعر جمال رمضان
🍀🍀🍀🍀🍀🍀🍀🍀🍀
( ما تسأليش )
مش أنا إللي إنتي كنتي بتعرفيه
ولا أنا إللي قلبي ياما لعبتي بيه
أنا بقيت واحد تاني وتاني
ولو حاولتي مش ممكن ترجعيه
سألت قلبي إنت ليه مش بتسامح
قال لي أنا النهاردة مش زي إمبارح
كنت كبير وقاسيت كتير
ياما ظلمت روحي وكنت بصالح
وياما دموع على الخدود مسحتها
سقيتك من حناني سقيتيني مرها
إنسيني علشان أنا مش أنا
خلي الزمان هو إللي يقدر يحلها
أنا إيه والا إنتي إيه الزمان فرقنا
والعمر راح وضحك علينا وسبقنا
وأنا هنا زي ما أنا وإنتي فين
كان حلم جميل والزمان فوقنا
الشاعر
( جمال رمضان )
تعليقات
إرسال تعليق