....حدوتة🌼
الكاتب_ وهبة البوهي
🍀🍀🍀🍀🍀🍀🍀🍀🍀🍀
أغنية
حدوتة
حدوتة هواكي حدوتة
وف قلبي هواكي حدوتة
بحلم بطيور الجنة
بتغني لأجمل بنوتة
حدوتة هواكي حدوتة
لو مر طيفك قدامي
وعينيكي بترد سلامي
بتلعثم أنا ف كلامي
ويصبح حالي حدوتة
حدوتة هواكي حدوتة
ياروح ما بعدك روح
ياعبير ف القلب يفوح
يازهرة بترد الروح
وتخلي حياتي حدوتة
حدوتة هواكي حدوتة
ياحب حياتي وأماني
يا ساكنة قلبي وكياني
في بعدك قلبي بيعاني
وف قربك هواكي حدوتة
حدوتة هواكي حدوتة
يا نظرة منك لعينيا
يا بسمة من فمك ليا
يا لمسة من خدك ليا
بتخلي هواكي حدوتة
حدوتة هواكي حدوتة
يا مصدر وحيي وإلهامي
ياطيف بيجيلي ف منامي
يخليني أغني في أحلامي
ويخلي غنايا حدوتة
حدوتة هواكي حدوتة
ياليا نصيبي والقسمة
يا أحلى نصيب والنعمة
يا القلب الطيب والكلمة
يا أحلى وأجمل بنوتة
حدوتة هواكي حدوتة
وهبه البوهي
تعليقات
إرسال تعليق