....بحاول🌻
الكاتب_ د.وليد حسانين
🍀🍀🍀🍀🍀🍀🍀🍀🍀🍀
.بحاول
للبلياتشو!!
بحاول يبقى ليا مكان
بحاول والمحاولة تطول
بحاول أبقى روح إنسان
بكلمة او بنُبل شعور!!
بحاول ألقى ليا مكان
بحاول والمحاولة فضول
يعود بيا الزمن لزمااان
وأقابل ذكرى فيها النور!!
بحاول والمحاولة رجال
اقابل فكرة تبني قصور
خيال شاعر يكون زجال
واشوف الدنيا فيها الحور!!!!
انا بشعري بعدي بحور
وموج البحر ليا جسور
ولما بلاقي شط أمان
بسيب للخلق فكري سطور!!!!
ويوم مابلاقي شط جبان
بخاف الجبن ليله يطول
واقول يارب نجيني
انا دونك هعود مكسور!!!
بحاول أبقى بايع فل ورد زهور
جناين كادي جوري عطور
وعطر قلب عاش مهجور
وبخضع لكلام الحق
وببعد عن كلام الزور
وبستنى نداء معبودي
يناديني هلم حضور!!!!
آه يا إله الكون
آه والآهات بضمير
رغم إن شعري جنون
عارف إن ربي كبير!!!!
اه يا إله الكون
اه والآهات بيقين
رغم إن شكي ظنون
لسه في دعائي حنين!!!!
خلقت النن جوه العين
وسبت الرمش يخفي أنين
ولما يطول بينا الليل
ندعي نقول يارب أمين !!!!
آه يا إله الكون
آه والآهات جمرات
انا الحر وانا المسجون
وانا السابح مع الكلمات
بكلمة كن لكون فيكون
نعود تاني بدون أيام
كإن حياتنا كانت حلم
والواقع لما ننام!!!!
شعر
للبلياتشو
وليد حسانين
٢٨/١١/٢٠٢٢
القاهرة_مصر
تعليقات
إرسال تعليق