.....انا انسان🌻
الكاتب_ عادل علي
🍀🍀🍀🍀🍀🍀🍀🍀🍀
أنا إنسان
وأبسط حِلم جوايا
أعيش فى أمان
عشان الحلم يتحقق
بنادي وأقول بأعلى الصوت
أعيش او أموت
أنا دمي فِدا بلادي
أعز وأجمل الأوطان
أنا إنسان
وليه يا بلادي
أكون عايش ومش عايش ؟
أنا منك أنا ابنك
أنا باقي على عهدك
واسمي حروفه من اسمك
ليه حطاني على الهامش ؟
أنا بيكي أنا موجود
لية بينك وبيني حدود
أنا المولود على أرضك
وعهد عليا أصون عرضك
ويكفيني أنول ودك
أنا بيكي أنا ليكي
بكل الحب بناديكي
أنا بروحي أنا بدمي
أنا يا بلادي أفديكي
ومهما تكوني يا بلادي
عمري في يوم ما عاديكي
أنا بتمنى يتحقق عشانك حِلم
وحِلمي ما أبدا يوم
تشيلي الهًم
ويوم ما الحلم يتحقق
يكون بالعدل ويا العِلم
جمايلك تاج على راسي
يا أعظم اُم
أنا منك أنا ابنك
ليه فيكي بشوف المُر
ليه عاوزاني مش عايش
في حُبك حُر
دة حُبك أحلى أحلامي
ومش بالأمر
ليه فيكي وأنا عاشقك
أشوف الذل !!
وانا أحلامي يا بلادي
أشوفك إنتِي فوق الكُل
عادل علي
تعليقات
إرسال تعليق