.....يامغرب🌻
الكاتب_العابد عبد الرحيم
🍀🍀🍀🍀🍀🍀🍀🍀🍀
/ يا مغرب يا بلادي لجميل
------------------------------/
( كان المغرب ولا زال ارضا
للأبطال و ارضا للخيرات )
(زجل)
يا مغرب يا ارض الله
يا وطن يا ارض الخير
يا مغرب حبيب الكل
يا ارض لنهار او لبحور
يا جنة خضرة اجميلة
يا ارض ياا ارض الله
اولياء رجال صالحين
* فيهم تقوى ايمان أُو دين
حكمة ناضجة كلام وامعاني.!
ابلادي ابلادي يا خير العاطي.!
يا جبال الاطلس الشامخة
اتنادينا انا معااكم حاضرة
أُو ظل الغابة ظل ما ايروح
انا معاكم القلب عنق الروح
يا وطن عشنا فيك احباب!
جذور حبك فالقلب ناابتة !
عشت لينا رحمة !
عشنا فيك نعمة !
حبك في قلوبنا واجد
ازهر نوار ورد و انسيم
من غيرو يكذب كاذب
عكس ظلام انهار طالع
* حبك حَرٌك ضميرنا فيه ساكن.!
وانت فين.؟ انا ليك راجع.!
وانحا فين.؟ ارض الله بلادي!
* سماك بالعين يا بو شمس دافية.!
* سماك بالعين زين وقت الأصيل.!
* من قال غيرو ما فاهم لسرار.!
حبنا ليك زيادة فزيادة
الله شاهد علينا شهادة
وانت محبوب كالوردة
من شمها رَيٌحَتْ انفاسو
انا ما انسيت ليام الزينة
اشبابي الغالي كان وامشا
صرٌفْتُو أيام ف أرض الله
أرض الله خير محبة واسلام.!
صبحنا شيوخ ذيك منو حكمة
يا خالقني..ضهري اطواتو ليام
توبة أو طاعة نختم بها احياتي
* فين الشباب فينا فينو فين؟
راني عكازي بيدي ايْشيٌر
راني شيب و الشيب اوقر
اعرفت...الصالح من طالح
* والخايب فالدنيا مشرار.!
* و الزين فالدنيا بالخير.!
(مسيرة حياة في وطن اسمه أرض الله)
العابد عبد الرحيم : 16/08/2021
الفقيه بن صالح تكتب لوطنها
تعليقات
إرسال تعليق