....زمن وناس🌻
الكاتب_ جمال رمضان
🍀🍀🍀🍀🍀🍀🍀
( زمن وناس )
باين علينا يا قلبي كبرنا
علشان عشنا العمر لغيرنا
وإتحملنا كتير علشانهم
ولا قالوا يوم كتر خيرنا
قالوا علينا شعرنا شاب
قفلوا في وشنا الابواب
كله من طيبتنا يا قلبي
أنا وإنت بقينا نتعاب
إفتكرنا عملنا الواجب
كانوا في الوش حبايب
كله كان مننا يا قلبي
والكل بقه يرفع حاجب
إحنا عملنا الخير وخلاص
وهو ده بقه طبع الناس
وإللي دايما للكل مسامح
يدفع ضريبة على الإحساس
الشاعر
( جمال رمضان )
تعليقات
إرسال تعليق