الشاعر.. المحجوب بسبولة. يكتب...مانكدب.
/////////+++مانكدب+++/////////
ياداك ضريح ف عقبة عالي
شفتو ماغاب من اخيالي
وتمكن مني داك الغالي
لاتلوموني وملك حالي
وا كنت جاي نزور بالنية
شوفو ياناس اش طرا ليا
سلمتو جوارحي و مابيا
والنسمة حلوة غربية
وللي عليا هاني قلتو
معرفتو ولى عيني شافتو
دغيا ياحبابي والفتو
من وسط الناس خطفتو
وللي جرى هاحنا وريناه
طاح هوايا وعلى اهواه
والقلب مسكين للي ابغاه
والحب ماكيشاور مولاه
وسبابو مانكدب هذ العين
لما تتلاقا ومع الزين
وا كان للي كان ياك ف الحين
وعلى بغثة وملك القلبين
بقلم صقر الحروف الزجال المحجوب بوسبولة
تعليقات
إرسال تعليق