الشاعر... شريف الرومي.. يكتب...أهلا رمضان.
أهلا رمضان
قرب شهر الخير و الجود و الإحسان
هلت و الله روايحه يا أهلا رمضان
شهر الصوم و اللمة و صلاة التراويح
كل ما فيه بيريّح و يطهّر بصحيح
فيه قرآة القرآن و حديث الشعراوي
و فيه سيرة المختار و برامج للغاوي
لمّا بتيجي الرؤية كله بيبقى سعيد
كنّا بنبقى في بهجة زينة و فرحة اكيد
فاكر و الله زمان لما أنا كنت صغيّر
و أما نقوم بالليل نصلي و نتسحّر
و أما المغرب ييجي نتلم و نفطر
و نحضّر فوانيسنا و الفرحة بتكتر
و الناس تفرح بينا و تدينا العادة
كله بيضحك لينا ده شهر سعادة
بس بسرعة يمر و بتخلص لياليه
و بنتمنى يعود و بندعي نعيش ليه
رمضان شهر الصوم فرصة لقلبك قوم
انوي تصومه و توب راح تخرج مرحوم
شريف الرومي
تعليقات
إرسال تعليق