....حسبنا الله🌼
الكاتبة_ الشاعرة أ.منى شحاتة
🍀🍀🍀🍀🍀🍀🍀🍀🍀
((حسبنا الله ))
بقلمي ( منى شحاتة )
جمهورية مصر العربية
من كتر الكدابين
خلاص انا تعبت
واصبحت من المجانين
كل اما ابص شمال
ولا ابص يمين
ألاقي منهم حواليا
للأسف موجودين
وكتير اقول لنفسي
هو أنا حقيقي صاحية
ولا أنا مع النايمين
ما عادش جوايا
امان خلاص لحد
طب اصدق بس مين
ولا اصدق مين
حملين كتاب الله
وعلى الوشوش قناع
اهم متلونين
توب العفاف والشرف
ادام الناس لابسين
بيصوموا ويصلوا
ويسجدوا لله تقول مؤمنين
ويحلفوا بالله كأنهم صادقين
ومن كتر حلفانهم نلاقي
نفسنا لهم مصدقين
بيبانوا ناس اشراف
بيبانوا م الصالحين
ولما يقع القناع يبانوا
على الحقيقة يبانوا منافقين
بالعهد بيغدروا وقلوبهم حجر
وعيونهم للحق عنها معميين
لكن هيروحوا فين
من رب العالمين
سبحانه جل علاه
هو احكم الحاكمين
هيرجع حقنا وهنكون
من الراضيين
هيكونوا وقود جهنم
هيكونوا من الهالكين
وهنحمد ربنا وهنكون
من الشاكرين
سبحانه هو العدل
ناصر المظلومين
يمهل ولا يهمل
واللقا يوم الدين
وحسبنا الله هو
اعدل العادلين
تعليقات
إرسال تعليق